Մաքրեք օրգանիզմը մեկ օրում. 168.am

Յուրաքանչյուր մարդ՝ առողջ, թե հիվանդ, պետք է առնվազն ամիսը մեկ մաքրի օրգանիզմը տոքսիններից: Օրգանիզմը մաքրելու բազմաթիվ միջոցներ կան, բայց այժմ ներկայացնում ենք միայն մեկը, որը հիմնված է խնձորի վրա: Շատ կարևոր է օրգանիզմը մաքրելը, քանի որ անընդհատ անորակ սնունդ ուտելով՝ մենք վնասակար մնացորդներ ենք հավաքում մարսողական ուղիներում, որոնք այնուհետև տարածվում են և վնասում օրգանիզմը: Խնձորի մեջ առկա պեկտինը դրական ազդեցություն է ունենում մարսողական համակարգի վրա և մաքրում վնասակար մասնիկներից:

Օրգանիզմը մաքրելու օր

Նախաճաշ

Առավոտյան մեկ բաժակ առանց շաքարի թարմ խնձորի հյութին ավելացնել ½ կիտրոնի հյութ և խմել: Հյութը պետք է խմել ոչ թե միանգամից, այլ՝ կում-կում: Հյութը խմելուց 2-3 ժամ անց ուտել 2 խնձոր՝ կեղևով:

Ճաշ

Ճաշի ժամին խնձորի կեղևից պատրաստված թեյ խմել՝ 2ճ/գ մեղրով:

Թեյից 1-2 ժամ հետո 2-4 հատ խնձոր ուտել:

Կեսօրին, ևս մեկ բաժակ խնձորի հյութ խմել:

Ընթրիք

Ընթրիքի համար տաք խնձորի շիլային ավելացնել 2թ/գ մեղր և ուտել: Օրգանիզմը մաքրելու օրը  պետք չէ օգտագործել որևէ այլ տեսակի մթերք կամ ըմպելիք, բացի նշվածներից:

Խնձորն ամենահեշտ մարսվող մթերքներից է: Եթե կանոնավոր կերպով  մաքրեք  օրգանիզմն այս միջոցով, կլավացնեք ձեր մարսողական համակարգը: Այս մեթոդը խորհուրդ է տրվում բոլորին՝ առողջ եք, թե՝ հիվանդ, քանի որ այն մաքրում և կարգավորում է մարսողությունը, արյունը և ամբողջ օրգանիզմը: Այն նաև օգտակար է ռևմատիզմի, արթրիտի դեպքում, ինչպես նաև՝ լյարդի և երիկամների խնդիրների, խցանված արյան անոթների, արյունը ճարպերից մաքրելու համար: Խնձորի այս մեթոդը դրական ազդեցություն կունենա նյարդային համակարգի վրա, և, որ ամենակարևորն է,  այն լավացնում է նյութափոխանակությունը և օգնում է ազատվել ավելորդ քաշից:

Այս մեթոդը հրաշալի կանխարգելիչ և հականեխիչ միջոց է,  և եթե այս մեթոդը փորձարկել յուրաքանչյուր 7-10 օրը մեկ անգամ, առավել լավ արդյունքի կհասնեք: Կարևոր է իմանալ, որ խնձորն ուտելիս պարտադիր պետք է լավ ծամել այն: 

Հարցեր, պատասխաններ, մեկնաբանություններ